នៅក្នុងសន្និសីទសារព័ត៌មានមួយធ្វើឡើងនៅទីក្រុង Palo Alto រដ្ឋកាលីហ្វូរញ៉ាកាលពីពេលថ្មីៗនេះ លោក Mark Zuckerberg ដែលជាស្ថាបនិក និងជានាយកប្រតិបត្តិក្រុមហ៊ុន Facebook បានដាក់ចេញផែនការថ្មីគិតប្រាក់ប្រចាំខែចំពោះអ្នកប្រើប្រាស់សេវាកម្មរបស់ខ្លួន ដែលនឹងចាប់ផ្ដើមដំណើការពីថ្ងៃទី១ ខែវិច្ឆិកាឆ្នាំ២០១៤។ ក្រុមហ៊ុនបណ្ដាញសង្គមយក្សនេះបានបញ្ជាក់ថា ក្រុមហ៊ុននឹងចាប់ផ្ដើមយកប្រាក់ពីអ្នកលេង ២,៩៩ដុល្លារ/ខែ។
លោក Mark Zuckerberg បានប្រាប់អ្នកសារព័ត៌មានថា៖ «ក្រោយពីមានការគិតរយៈពេលយូរ និងជាការដ៏ពិបាកក្នុងការសម្រេចចិត្ត ជាចុងក្រោយនេះ ក្រុមហ៊ុនត្រូវបានបង្ខំចិត្តដើម្បីបន្ថែមថ្លៃសេវាប្រចាំខែនេះ»។ «ប្រសិនបើយើងមិនធ្វើអ្វីមួយដើម្បីដោះស្រាយទៅនឹងការកើនឡើងនៃថ្លៃចំណាយរបស់ក្រុមហ៊ុនទេ នោះ Facebook អាចនឹងលែងមាននៅថ្ងៃអនាគតក៏ថាបាន»។
លោក Mark Zuckerberg បានប្រាប់អ្នកសារព័ត៌មានថា៖ «ក្រោយពីមានការគិតរយៈពេលយូរ និងជាការដ៏ពិបាកក្នុងការសម្រេចចិត្ត ជាចុងក្រោយនេះ ក្រុមហ៊ុនត្រូវបានបង្ខំចិត្តដើម្បីបន្ថែមថ្លៃសេវាប្រចាំខែនេះ»។ «ប្រសិនបើយើងមិនធ្វើអ្វីមួយដើម្បីដោះស្រាយទៅនឹងការកើនឡើងនៃថ្លៃចំណាយរបស់ក្រុមហ៊ុនទេ នោះ Facebook អាចនឹងលែងមាននៅថ្ងៃអនាគតក៏ថាបាន»។
លោក Dale Sackrider អ្នកវិភាគនៅសារព័ត៌មាន Wall Stree បាននិយាយថា៖ «នេះជាដំណឹងដ៏ល្អមួយសម្រាប់អ្នកកាន់ភាគហ៊ុនរបស់ Facebook»។ «ត្រឹមខែសីហាឆ្នាំនេះ Facebook មានអ្នកប្រើបណ្ដាញសង្គមរបស់ខ្លួនសរុប ១,៣១៧ពាន់លានគណនី។ ប្រសិនមានតែ ៧៥% នៃសមាជិកទាំងនោះបង់ថ្លៃសេវាជិត ៣ដុល្លារប្រចាំខែ នោះសាច់ប្រាក់ប្រមាណ ៣ពាន់លានដុល្លារនឹងហូរចូលក្រុមហ៊ុនប្រចាំឆ្នាំមិនខាន»។ «នេះពុំមែនដើម្បីតែបង្កើនប្រាក់ចំណេញប៉ុន្មានដុល្លារប៉ុណ្ណោះទេ តែក៏ជាការផ្លាស់ប្ដូរថ្មីមួយក្នុងការប្រើប្រាស់បណ្ដាញ Facebook ផងដែរ»។
នៅក្នុងបទសម្ភាសមួយជាមួយទូរទស្សន៍ CNN អ្នកនាំពាក្យរបស់ក្រុមហ៊ុន Facebook លោក Paul Horner បានពន្យល់ប្រាប់អំពីហេតុផលទាក់ទិននឹងគម្រោងចាយប្រាក់ប្រចាំខែពីអតិថិជន។ លោក Horner បាននិយាយថា៖ «បញ្ហាសេដ្ឋកិច្ចមានភាពតឹងតែង ត្រឹមតែការផ្សព្វផ្សាយពាណិជ្ជកម្ម (ads) នៅលើ Facebook មួយមុខ មិនអាចរកចំណេញដូចការគ្រោងទុករបស់ក្រុមហ៊ុនឡើយ។ ផ្ទុយទៅវិញបែរជាត្រូវចំណាយដោយសារចំនួននៃអ្នកចូលរួមលេង Facebook កើនឡើងចំនួនយ៉ាងច្រើនជារៀងរាល់ថ្ងៃ»។
លោក Horner បានបន្តប្រាប់អ្នកសារព័ត៌មានទៀតថា៖ «នេះក៏អាចជាការវាយតម្លៃទៅដល់អ្នកប្រើបណ្ដាញទំនាក់ទំនង Facebook ផងដែរ។ យើងមិនចង់ឃើញអ្នកប្រើ លុបគណនីរបស់ខ្លួនដោយសារតែគេមិនមានលទ្ធភាពទិញថ្លៃសេវាប្រចាំខែទេ»។ «ចំពោះអ្នកប្រើដែលមិនមានលទ្ធភាព យើងនឹងជួយសម្រួល ប៉ុន្តែត្រូវបង្ហោះ (post) status ជាមួយឃ្លា 'I AM POOR FACEBOOK PLEASE WAVE MY MONTHLY FEE'» ហើយក៏ត្រូវភ្ជាប់ជាមួយ hashtag ឈ្មោះ #FacebookMonthlyFee ផងដែរ។ បន្ទាប់ពីនោះ រង់ចាំការបញ្ជាក់ប្រាប់ពី Facebook ថានឹងផ្ដល់ការប្រើដោយឥតគិតថ្លៃឬយ៉ាងណា ប៉ុន្តែ ទោះបីលេងហ្វ្រីតែក៏មានដែលកំណត់ដែរ ពោលម្ចាស់គណនីនោះនឹងមិនអាចលេងហ្គេមលើបណ្ដាញសង្គមនេះបានឡើយ។
ក្រុមហ៊ុនថែមទាំងផ្ដល់ជម្រើសផងដែរ សម្រាប់អ្នកប្រើមិនចង់បង់ប្រចាំខែ គឺអាចបង់ប្រចាំនាទីវិញ ដែលមានតម្លៃ ០,៤៩សេន/នាទី។ លោក Jack Phillips មកពីទីក្រុង Dequincy រដ្ឋ Louisiana បានប្រាប់អ្នកសារព័តមានថា លោកមិនសប្បាយចិត្តនឹងគម្រោងចំណាយប្រាក់ប្រចាំខែដែល Facebook ត្រៀមដំណើរការឆាប់ៗខាងមុខនេះទេ៕
0 comments:
Post a Comment