សំណួរថាតើ ទូរស័ព្ទអាចឆ្លងមេរោគឬអត់? ចម្លើយយ៉ាងខ្លី គឺឆ្លង ប៉ុន្តែវាមានការស្មុគស្មាញក្នុងការបកស្រាយបន្តិច។ កន្លងទៅមានការជជែកគ្នាជុំវិញមេរោគថា អាចឆ្លងពីកុំព្យូទ័រទៅទូរស័ព្ទ ប៉ុន្តែក្រោយពីឆ្លងហើយ វាពុំដំណើរការ ធ្វើទុក្ខបុកម្នេញដល់ដំណើរការរបស់ទូរស័ព្ទដូចកុំព្យូទ័រឡើយ ព្រោះប្រព័ន្ធប្រតិបត្តិការនៅលើឧបករណ៍ទាំងពីរនេះមានភាពខុសគ្នា។ រង់ចាំស្វែងយល់ជាមួយ TheBNEWS ទាំងអស់គ្នាថាតើ ការលើកឡើងខាងលើពិតជាត្រឹមត្រូវ ឬមួយយ៉ាងណា?
១) តើទូរស័ព្ទអាចឆ្លងមេរោគដូចកុំព្យូទ័រឬទេ?
ពិតជាអាច។ តាមពិតស្មាតហ្វូនអាចឆ្លងមេរោគបាន ហើយភាគច្រើនរងឥទ្ធិពលពី Trojen និងប្រភេទមេរោគ malware ផ្សេងទៀត។ ដោយសារតែបែបនេះ បានធ្វើឱ្យក្រុមហ៊ុនផលិតទូរស័ព្ទទាំងឡាយមានការព្រួយបារម្ភកន្លងមក។
ពិតជាអាច។ តាមពិតស្មាតហ្វូនអាចឆ្លងមេរោគបាន ហើយភាគច្រើនរងឥទ្ធិពលពី Trojen និងប្រភេទមេរោគ malware ផ្សេងទៀត។ ដោយសារតែបែបនេះ បានធ្វើឱ្យក្រុមហ៊ុនផលិតទូរស័ព្ទទាំងឡាយមានការព្រួយបារម្ភកន្លងមក។
លើកឧទាហរណ៍ជាក់ស្ដែង កាលពីសម័យទូរស័ព្ទ Motorola ប្រើប្រព័ន្ធប្រតិបត្តិការ Symbian គឺបានរងឥទ្ធិពលពីមេរោគទូរស័ព្ទមួយឈ្មោះថា “Hutchinson 3” ដែលបានធ្វើឱ្យទូរស័ព្ទដំណើរការយឺត រហូតគាំងក៏មាន។ នៅពេលមេរោគចេញអុកឡុកដំបូង អ្នកប្រើទូរស័ព្ទជាច្រើនមានការព្រួយបារម្ភ មិនសូវហ៊ានប្រើ Bluetooth ផ្ទេរ€កសារ ឬមុខងារ GPS ទេ ព្រោះខ្លាចឆ្លងតាមមុខងារទាំងនេះ។ ក្រោយមកក៏មាន មេរោគទូរស័ព្ទជំនាន់ថ្មី មានសមត្ថភាពអាចស្វែងរក Bluetooth នៅជិតៗ រួចផ្ញើខ្លួន (មិនត្រូវបានអត្តសញ្ញាណ) ភ្ជាប់ទៅកាន់ទូរស័ព្ទអ្នកដទៃដោយស្វ័យប្រវត្តិ។
និយាយរួម មេរោគទូរស័ព្ទគឺមាន ហើយបើសួរថា តើឆ្លងឬអត់ ចម្លើយគឺឆ្លង។ តើក្រោយពីឆ្លង វាអាចប៉ះពាល់ដល់ទូរស័ព្ទឬអត់ ចម្លើយគឺមិនទាំងអស់ទេ ពោលអាស្រ័យដោយប្រភេទមេរោគដែលគេបង្កើតសម្រាប់រាតត្បាតដល់ប្រព័ន្ធប្រតិបត្តិការទូរស័ព្ទណាមួយ។ មូលហេតុដែលនាំឱ្យឆ្លង គឺមានកត្តាផ្សេងៗគ្នា ហើយក្នុងនោះមានដូចជា ការប្រើកុំព្យូទ័របញ្ចូលបទចម្រៀងតាមខ្សែ ឬអាចឆ្លងតាម Bluetooth។ ដើម្បីសរសេរមេរោគទូរស័ព្ទ និងអាចឱ្យវាដំណើរការបាន តម្រូវឱ្យគេយល់ដឹងអំពីភាសាកូដសរសេរកម្មវិធី និងយល់ដឹងពីដំណើរការរបស់ប្រព័ន្ធមួយចំនួនដូចជា៖ Symbian, iOS, Windows Phone និង Android ជាដើម។
តើហេតុអ្វីមេរោគកុំព្យូទ័រមានច្រើនជាងមេរោគទូរស័ព្ទ? ចម្លើយគឺដោយសារ ការសរសេរមេរោគទូរស័ព្ទ មានភាពពិបាកជាងកុំព្យូទ័រដែលប្រើ Windows OS ម្យ៉ាងទៀតដោយការសម្លឹងផលប្រយោជន៍លើការបង្កើតមេរោគកុំព្យូទ័រដើម្បី hack យកទិន្នន័យអ្នកប្រើប្រាស់ ល្អជាងការបង្កើតមេរោគទូរស័ព្ទ។ នេះក៏អាចជាហេតុផលមួយឆ្លើយតបទៅនឹងសំនួរ តើហេតុអ្វីបានជាកុំព្យូទ័រប្រឈមនឹងការវាយប្រហារពី hacker ជាងទូរស័ព្ទដែលប្រើ iOS និង Android។ ប្រព័ន្ធប្រតិបត្តិការដែលស្ថិតក្នុងក្រសែភ្នែករបស់ Hacker បច្ចុប្បន្នគឺ Windows បន្ទាប់មក Lunux, Unix និង Mac OS។
២) តើ Smartphone ត្រូវការចាំបាច់នូវកម្មវិធីកម្ចាត់មេរោគឬទេ?
ដោយសារទូរស័ព្ទនាពេលបច្ចុប្បន្នត្រូវបានផលិតដោយបំពាក់មុខងារច្រើនសម្បូរបែប ក្លាយជាស្មាតហ្វូនដែលដំណើរការដោយប្រព័ន្ធប្រតិបត្តិការទំនើប ដូច្នេះអ្នកសរសេរមេរោគមួយចំនួនដែលបានសិក្សាពីដំណើរការរបស់ប្រព័ន្ធបានច្បាស់ បានសរសេរប្រភេទមេរោគសម្រាប់អុកឡុកដល់ស្មាតហ្វូនច្រើនជាងទូរស័ព្ទស៊េរីទាបវិញម្ដង។ ឥទ្ធិពលនៃមេរោគលើស្មាតហ្វូនមានដូចជា៖
– ផ្ញើព័ត៌មានផ្ទាល់ខ្លួនទៅនរណាម្នាក់ដែលមិនស្គាល់
– ប្រើល្បិចបោកប្រាស់ផ្សេងៗដើម្បីលួចយកព័ត៌មានទាក់ទិនហិរញ្ញវត្ថុ ដូចជាលេខគណនី និងកាលបរិច្ឆេទជាដើម រួចហើយផ្ញើសារទៅ hacker តាមសេវាអ៊ីនធឺណិត
– ផ្ញើសារទូរស័ព្ទ (SMS) ទៅលេខទាំងឡាយដែលមាននៅក្នុងបញ្ជីលេខទំនាក់ទំនង (Contact) ធ្វើឱ្យអស់លុយឥតប្រយោជន៍ ឬបិទ (block) មិនឱ្យផ្ញើសារចេញ
– តាមដានការខលទូរស័ព្ទ និងសារ (message) របស់អ្នក
– នៅពេលដោតជាមួយកុំព្យូទ័រអាចឆ្លងចូល និងធ្វើឱ្យប៉ះពាល់ដល់ប្រព័ន្ធដំណើរការកុំព្យូទ័រ
– បង្ខំកម្មវិធី browser លើទូរស័ព្ទឱ្យចូលទៅគេហទំព័រមេរោគណាមួយជាក់លាក់ និងមានអការៈមួយចំនួនទៀត។
២) តើ Smartphone ត្រូវការចាំបាច់នូវកម្មវិធីកម្ចាត់មេរោគឬទេ?
ដោយសារទូរស័ព្ទនាពេលបច្ចុប្បន្នត្រូវបានផលិតដោយបំពាក់មុខងារច្រើនសម្បូរបែប ក្លាយជាស្មាតហ្វូនដែលដំណើរការដោយប្រព័ន្ធប្រតិបត្តិការទំនើប ដូច្នេះអ្នកសរសេរមេរោគមួយចំនួនដែលបានសិក្សាពីដំណើរការរបស់ប្រព័ន្ធបានច្បាស់ បានសរសេរប្រភេទមេរោគសម្រាប់អុកឡុកដល់ស្មាតហ្វូនច្រើនជាងទូរស័ព្ទស៊េរីទាបវិញម្ដង។ ឥទ្ធិពលនៃមេរោគលើស្មាតហ្វូនមានដូចជា៖
– ផ្ញើព័ត៌មានផ្ទាល់ខ្លួនទៅនរណាម្នាក់ដែលមិនស្គាល់
– ប្រើល្បិចបោកប្រាស់ផ្សេងៗដើម្បីលួចយកព័ត៌មានទាក់ទិនហិរញ្ញវត្ថុ ដូចជាលេខគណនី និងកាលបរិច្ឆេទជាដើម រួចហើយផ្ញើសារទៅ hacker តាមសេវាអ៊ីនធឺណិត
– ផ្ញើសារទូរស័ព្ទ (SMS) ទៅលេខទាំងឡាយដែលមាននៅក្នុងបញ្ជីលេខទំនាក់ទំនង (Contact) ធ្វើឱ្យអស់លុយឥតប្រយោជន៍ ឬបិទ (block) មិនឱ្យផ្ញើសារចេញ
– តាមដានការខលទូរស័ព្ទ និងសារ (message) របស់អ្នក
– នៅពេលដោតជាមួយកុំព្យូទ័រអាចឆ្លងចូល និងធ្វើឱ្យប៉ះពាល់ដល់ប្រព័ន្ធដំណើរការកុំព្យូទ័រ
– បង្ខំកម្មវិធី browser លើទូរស័ព្ទឱ្យចូលទៅគេហទំព័រមេរោគណាមួយជាក់លាក់ និងមានអការៈមួយចំនួនទៀត។
ការទាញយកកម្មវិធីពី Store របស់ក្រុមហ៊ុនធំៗដូចជា App Store របស់ Apple និង Google Play របស់ Google គឺមានសុវត្ថិភាពមិនមានមេរោគនោះទេ ដោយសារស្ថិតក្រោមការត្រួតពិនិត្យ app ទាំងឡាយរបស់ Developer មុននឹង upload ឱ្យអ្នកប្រើ download។ ទោះជាយ៉ាងណា ក៏នៅមានការឆ្លងតាមតំណភ្ជាប់ផ្សេងៗ ឬឆ្លងតាមការផ្ទេរទិន្នន័យដែរ ដូច្នេះការប្រើកម្មវិធីកម្ចាត់មេរោគគឺមានភាពល្អប្រសើរ ជាជាងគ្មាន។ កម្មវិធី Anti-virus សម្រាប់ស្មាតហ្វូនមានសមត្ថភាពអាចការពារមិនឱ្យឆ្លង spyware និងមេរោគផ្សេងៗទៀតបាន ហើយក៏អាចស្កេនលើឯកសារដែលទាញយក(download) ពីអ៊ីនធឺណិតបានដែរ។
TheBnews នឹងលើកយកដើមហេតុធ្វើឱ្យស្មាតហ្វូនអាចឆ្លងមេរោគបាន និងវិធីសាស្ត្រទប់ស្កាត់មិនឱ្យឆ្លង ក៏ដូចជាជួសជុលក្រោយមេរោគឆ្លងចូលទូរស័ព្ទនៅពេលក្រោយ។
ប្រែសម្រួល៖ លី ឈៀន
ប្រភព៖ cnet, edn
0 comments:
Post a Comment